സാന്താക്ളോസ് കുണ്ടുര്‍കുന്നില്‍

സാന്താക്ളോസ് കുണ്ടുര്‍കുന്നില്‍

ക്രിസ്തുമസ് ആഘോഷങ്ങളുടെ ഭാഗമായി സ്കൂളില്‍ സാന്താക്ലോസിന്റെ വരവ്.ഏഴാം തരാം വിദ്യാര്‍ഥിയായ മുഹമ്മദ്‌ റിഷാദ് ആണ് വേഷമിട്ടത്.എല്ലാ ക്ലാസുകളും സന്ദര്‍ശിച്ച സാന്താ കുട്ടികള്‍ക്ക് സമ്മാനങ്ങളും നല്‍കി.ജിംഗിള്‍ ബെല്‍സ് പാടി കരോള്‍ സംഘവും ഒപ്പം കൂടിയതോടെ സ്കൂള്‍ ആഘോഷത്തില്‍ ലയിച്ചു.

No comments:

Post a Comment

വിപിഎയുപി സ്കൂൾ കുണ്ടൂർക്കുന്ന്

പാലക്കാട്‌ ജില്ല മണ്ണാര്‍ക്കാട് ഉപ ജില്ലയിലെ തച്ചനാട്ടുകര പഞ്ചായത്തിലെ കുണ്ടൂര്‍ക്കുന്നിലാണ് വിദ്യാപ്രദായിനി അപ്പര്‍ പ്രൈമറി സ്കൂള്‍. 1949 ആഗസ്റ്റ്‌ 9 നു ആരംഭിച്ച ഈ സരസ്വതീക്ഷേത്രം സ്ഥാപിക്കപ്പെട്ടത് തേനേഴി ശങ്കരന്‍ നമ്പൂതിരിപ്പാട് എന്ന ദീര്‍ഘദര്‍ശിയുടെ പുണ്യ ഹസ്തങ്ങളാലാണ്.തുടക്കത്തില്‍ ഒരു നാലുകാലോലപ്പുരയില്‍ രണ്ടു ഡിവിഷനുകളോടെ ലോവര്‍ പ്രൈമറി ആയി ആയിരുന്നു സ്കൂള്‍ പ്രവര്‍ത്തനം .ശ്രീ കെ ഗോപാലന്‍ നായര്‍ ആയിരുന്നു ആദ്യ പ്രധാനാധ്യാപകന്‍ .കെ ടി കരുണാകരന്‍ നായര്‍ സഹ അധ്യാപകനും. 1956 ല്‍ തേനേഴി ശങ്കരന്‍ നമ്പൂതിരിപ്പാടിന്റെ അക്ഷീണ പരിശ്രമത്തിന്റെ ഫലമായി സ്കൂള്‍ അപ്പര്‍ പ്രൈമറി ആയി ഉയര്‍ത്തപ്പെട്ടു .അന്ന് തൊട്ടിന്നെവരെ ജില്ലയിലെ വിദ്യാലയങ്ങളില്‍ പ്രമുഖ സ്ഥാനം അലങ്കരിക്കുന്ന വിധത്തിലാണ് സ്കൂള്‍ പ്രവര്‍ത്തനം .യു പി സ്കൂളിന്റെ തുടര്‍ച്ചയായി 1962 ല്‍ ഹൈസ്കൂളും, 2010 ല്‍ ഹയര്‍ സെക്കണ്ടറി സ്കൂളും സ്ഥാപിക്കപ്പെട്ടത് വിദ്യാഭ്യാസ തല്പരരായ മാനേജ് മെന്റിന്റെ പ്രയത്നം കൊണ്ടാണ് .ഒരു നാടിന്റെ തന്നെ സമൂലമായ മാറ്റത്തിനും സാംസ്കാരികമായ ഉന്നതിക്കും അക്ഷര വഴി തീര്‍ത്ത ചരിത്രമാണ് സ്കൂളിന്റെത് .ഇന്ന് എല്‍ കെ ജി മുതല്‍ ,പ്ലസ്‌ ടു വരെയുള്ള കുട്ടികള്‍ പഠിക്കുന്ന ബൃഹത്തായ ഒരു വിദ്യാഭ്യാസ പ്രസ്ഥാനമാണ് കുണ്ടൂര്‍ക്കുന്ന് സ്കൂള്‍ സമുച്ചയം .യു പി സ്കൂളിന്റെയും ഹൈസ്കൂളിന്റെയും സുവര്‍ണ ജൂബിലി ജനകീയ പങ്കാളിത്തത്തോടെതന്നെയാണ് ആഘോഷിച്ചത് .സ്കൂളിന്റെ സ്ഥാപകനായ തേനേഴി ശങ്കരന്‍ നമ്പൂതിരിപ്പാടിന്റെ ജന്മ ശതാബ്ദി ആദരാഭിഹവം എന്ന പേരില്‍ ആചരിച്ചു വരുന്നു. ഇന്ന് ടി എം നാരായണന്‍ ആണ് മാനേജര്‍. ടിവി.പ്രസന്ന പ്രധാനാധ്യാപികയാണ്. മണ്ണാര്‍ക്കാട് ഉപജില്ലയിലെ മികച്ച പ്രവര്‍ത്തനം കാഴ്ച വയ്ക്കുന്ന സ്കൂളുകളില്‍ ഒന്നാണ് വിദ്യാപ്രദായിനി അപ്പര്‍ പ്രൈമറി സ്കൂള്‍.കലാ കായിക മേഖല ,ശാസ്ത്ര മേള ,വിദ്യാ രംഗം ,സ്കൌട്ട് ഗൈഡ്‌ പ്രവര്‍ത്തനങ്ങള്‍ ,എല്‍ എസ്എസ് ,യു എസ് എസ് പരീക്ഷകള്‍ എന്നിവയിലെല്ലാം സ്കൂള്‍ മികച്ച നേട്ടം നിലനിര്‍ത്തുന്നു .മണ്ണാര്‍ക്കാട്‌ ഉപജില്ലയിലെ മികച്ച ശാസ്ത്ര സ്കൂളിനുള്ള പുരസ്കാരം ,തച്ചനാട്ടുകര പഞ്ചായത്തിലെ മികച്ച അക്കാദമിക പ്രവര്‍ത്തനങ്ങള്‍ക്കുള്ള അവാര്‍ഡ്‌, മലയാള മനോരമ നല്ലപാഠം ജില്ലാതല പുരസ്കാരം എന്നിവ നേടാന്‍ സ്കൂളിന് ആയിട്ടുണ്ട്‌ .